மீண்டுமொருமுறை

இன்னும் எத்தனை முறை

உடைந்து அழ

ஆரம்பம்

தேடித் திரிகிறேன்

விழியில் விழுந்த பள்ளி

விரல் கோர்த்த வீதி

உடைகள் உரசிய பேருந்து நெரிசல்

கூந்தல் தீண்டிய சாளரம்

சேர்ந்து பார்த்த திருவிழா

ஒன்றாய் உண்ட உணவகம்

தேடித் திரிகிறேன்

எங்கே தொடங்கியது

நம் பிரிவின்

ஆரம்பப்புள்ளி.

Miss you

நினைவுகள்

அத்தனை

அழகிய நினைவுகளை

கொடுத்துவிட்டு

நீயும் ஏனடி

நினைவாகவேச் சென்றாய்

உந்தன்‌ அழகில்

அதிகம் கண்ணாடி பார்க்காதே

அதுவும் கவிதை 

எழுதிவிடப் போகிறது

உந்தன் அழகில்

அப்பா

எதிரே இருந்தது

கடந்து செல்லும் போதும்

கால்நீட்டி அமர்ந்த போதும்

துள்ளி விளையாடிய போதும்

துயில் கொண்ட போதும்

நோய்வாய்ப்பட்ட போதும்

திமிராய் திரிந்த போதும்

முற்படவேயில்லை 

கொஞ்சமேனும் படித்திட

அப்பாவெனும் புத்தகத்தை

நிரூபணம்

இருப்பை நிரூபிக்க

கவிதை எழுதுகிறேன்

இறந்து விட்டதாய் 

எழுதி விடுவதற்குள்

இரவுகள்

மறந்து போகும்

பொள்ளாச்சி போல்

நாகர்கோவிலும் மறந்து போகும்

இரவுகள்

இரவுக்கும் பகலுக்கும்

வித்தியாசம் தெரியாமல்

இந்த மனம் அலைவது

ஏன் உனக்கு புரிவதேயில்லை

where did things go wrong?

உன்னைப் போல

கொஞ்சம் கொஞ்சமாய்

தொலைந்து கொண்டிருக்கிறது

என் கவிதைகளும்

உன்னைப் போல

ஒருமுறை

ஒருமுறையேனும் சொல்லலாமே

இவ்வாழ்வு என்னுடனென்று

வானவில்லாய் வந்து அடைமழையாய் செல்கிறாய்

வெள்ளத்தின்‌ சேதாரம் நீயறிவாயோ?

மீண்டும்

மறுபடியும் அதே தனிமை

உறக்கமில்லா இரவுகள்

கடந்த நினைவுகள்

தென்றலுக்கு செவி சாய்க்கும் மரங்கள்

காயப்போட்ட சட்டையின் வடிந்து கொண்டிருந்த கடைசித்துளி

ரீங்காரமிடும் கொசு

காலையைத் தேடி பயணப்படும் கடிகாரம்

இரவின் அமைதியை கிழிக்கும்

ஒன்றிரண்டு வாகனங்கள்

நீயிட்ட கடைசி முத்தத்தின் ஈரம்

நானும் அவளும்

என்னவளாய் அவளும்

அவளவனாய் நானும்

ஜே ஜே

தேடிக் கிடைப்பதில்லை 

என்று தெரிந்த ஒரு பொருளை

தேடிப் பார்ப்பதென்று 

மெய் தேடல் தொடங்கியது

வேதனை

யாதும் காதலாய் வேண்டும்

யாதும் காதலாய் வேண்டும்

நீ

நான்

நாம்

எங்கு திரும்பினும் காதலாய் வேண்டும்

சில பல சண்டைகளும் காதலாய் வேண்டும்

விழி வழி பேசும் காதலாய் வேண்டும்

வழிநெடுக பேசும் காதலாய் வேண்டும்

மௌனத்திலும் காதல் வேண்டும்

அலைபாயுதே

நானாக தொட்டாலோ முள்ளாகிப் போகின்றாய்

நீயாக தொட்டாலோ பூவாக ஆகின்றாய்

என் இன்பம் என் துன்பம் எல்லாமே நீயன்பே

என் வாழ்வும் என் சாவும் உன் கண்ணில் அசைவிலே

இன்பமென்பது

இரக்கமில்லா இரவுகளில்

இன்பமென்பது பதில் பேசா

உன் நினைவுகளோடு உரையாடுவது

வலி ரணமாகிறது

அழுகை

நான்‌ யார்.?

நான்‌ யார்.?

ஒவ்வொரு முறையும்

தோல்வியின் மேலே

அமர்ந்து அழகு பார்த்தவன்

காரணங்கள் தேடி பயணப்பட்டு

அதில்லை இதில்லை

என்றெண்ணி மீண்டும் சிம்மாசனமிட்டேன்

தோல்வியின் மீதே

என் வழியில் கண்ட

முள்ளுக்கு காக்கையை 

காரணம் கட்டி அசையாதிருந்தேன்

காலம் அப்படியன்று 

சுழன்று கொண்டேயிருந்தது

அருகே செல்பவன் 

கால்களை பார்த்து பொறாமைபட்டவன்

அவன் எதிர்கொண்ட முட்புதரைப் பார்க்கவேயில்லை

எதிர்பாரா தருணமொன்றில்

தேவதையாய் வந்திறங்கியவள்

அழகாய் சொல்லிச் சென்றாள்

உனக்கும் இரண்டு கைகளுண்டென..

ஆம் சொல்லிச் சென்றாள்

நீயறிவாயா?

நீயறிவாயா?

*******************

யாரிடமும் கேட்க வேண்டி‌யதில்லை

பழக்கப்பட்ட வழி தான்

எப்போதும் புன்னகைக்கும்

அந்த அண்ணனின் கடை திறந்திருந்ததா?

யாரிடமோ சத்தமாய் பேசும்

அந்த மாமா இன்று பேசிக்கொண்டிருந்தாரா?

உணவகத்தில் வேலையாளை அதட்டும்

அந்த முரட்டு முதலாளி இன்றிருந்தாரா?

வழக்கமாய் பூத்திருக்கும்

அந்த முதல் வீட்டு செம்பருத்தி இன்று பூத்திருந்ததா?

காலடி சத்தம் கேட்டதுமே குரைக்கும்

அந்த மூன்றாவது வீட்டு நாய் இன்று குரைத்ததா?

எதிரே சட்டென்று நிறுத்தி

அந்த ஓட்டுநர் திட்டும் வரை 

ஏதும் நினைவில் இல்லை

உன்னைத் தவிர

தேடல்

சுற்றி இருப்பதெல்லாம் 

விருப்பம் போல சுழன்று கொண்டிருக்க

விருப்பமின்றி மனம் தனித்திருக்கிறதே

எட்டும்‌ தூரத்தில் நீயில்லையே

கட்டியணைத்து சரிசெய்திருப்பேனே

உடைந்த நம்‌ இதயத்தை

மிச்சமிருந்த எச்ச நம்பிக்கையும்

சுக்கு நூறாகிறதே

உச்சென்ற உன் சுழிப்பிலே

எத்தனை தொலைவு செல்கிறேனோ

அத்தனை கனத்த இதயத்துடன் திரிகிறேன்

நீயில்லா உலகில்

உன் நினைவுகளை சுமந்து கொண்டு

வார்த்தைகள்  உணர்த்திடாது

என்‌ வலியை

வழித்தடம் தெரியாமல் கரைபுரளும்

கண்ணீர் தெரியும் தொலைவிலும் நீயில்லை

நினைவில் இருப்பதெல்லாம் ஒன்றே

 நீ மட்டுமே 

இத்தேடலின் முடிவு

நீயும் நினைவில் கொள்ளடி 

வாய்ப்பு

ஒவ்வொரு வாய்ப்பிலும்

நீ கொண்ட நம்பிக்கையை  உடைத்து

இன்னும் தூரம் சென்று கொண்டேயிருக்கிறேன்

என்னின் தவறுகள்

ஒவ்வொரு முறையும்

அவள் தேடி வரும் போது

என்னின் குறைகளெல்லாம்

இன்னும் தூரமாக்குகிறது

எங்களுக்கான இடைவெளியை

இனிய புத்தாண்டு வாழ்த்துக்கள்

முடிவில்லா தேடலில்

முடிவாய் உன்னைத் தேடியே

இவ்வாண்டும்