நீயறிவாயா?

நீயறிவாயா?

*******************

யாரிடமும் கேட்க வேண்டி‌யதில்லை

பழக்கப்பட்ட வழி தான்

எப்போதும் புன்னகைக்கும்

அந்த அண்ணனின் கடை திறந்திருந்ததா?

யாரிடமோ சத்தமாய் பேசும்

அந்த மாமா இன்று பேசிக்கொண்டிருந்தாரா?

உணவகத்தில் வேலையாளை அதட்டும்

அந்த முரட்டு முதலாளி இன்றிருந்தாரா?

வழக்கமாய் பூத்திருக்கும்

அந்த முதல் வீட்டு செம்பருத்தி இன்று பூத்திருந்ததா?

காலடி சத்தம் கேட்டதுமே குரைக்கும்

அந்த மூன்றாவது வீட்டு நாய் இன்று குரைத்ததா?

எதிரே சட்டென்று நிறுத்தி

அந்த ஓட்டுநர் திட்டும் வரை 

ஏதும் நினைவில் இல்லை

உன்னைத் தவிர

தேடல்

சுற்றி இருப்பதெல்லாம் 

விருப்பம் போல சுழன்று கொண்டிருக்க

விருப்பமின்றி மனம் தனித்திருக்கிறதே

எட்டும்‌ தூரத்தில் நீயில்லையே

கட்டியணைத்து சரிசெய்திருப்பேனே

உடைந்த நம்‌ இதயத்தை

மிச்சமிருந்த எச்ச நம்பிக்கையும்

சுக்கு நூறாகிறதே

உச்சென்ற உன் சுழிப்பிலே

எத்தனை தொலைவு செல்கிறேனோ

அத்தனை கனத்த இதயத்துடன் திரிகிறேன்

நீயில்லா உலகில்

உன் நினைவுகளை சுமந்து கொண்டு

வார்த்தைகள்  உணர்த்திடாது

என்‌ வலியை

வழித்தடம் தெரியாமல் கரைபுரளும்

கண்ணீர் தெரியும் தொலைவிலும் நீயில்லை

நினைவில் இருப்பதெல்லாம் ஒன்றே

 நீ மட்டுமே 

இத்தேடலின் முடிவு

நீயும் நினைவில் கொள்ளடி 

வாய்ப்பு

ஒவ்வொரு வாய்ப்பிலும்

நீ கொண்ட நம்பிக்கையை  உடைத்து

இன்னும் தூரம் சென்று கொண்டேயிருக்கிறேன்

என்னின் தவறுகள்

ஒவ்வொரு முறையும்

அவள் தேடி வரும் போது

என்னின் குறைகளெல்லாம்

இன்னும் தூரமாக்குகிறது

எங்களுக்கான இடைவெளியை

இனிய புத்தாண்டு வாழ்த்துக்கள்

முடிவில்லா தேடலில்

முடிவாய் உன்னைத் தேடியே

இவ்வாண்டும்

பல நாட்களுக்கு பின்

பல நாட்களுக்கு பின் 

போலி முகமே கண்டு
சலித்துப் போன வாழ்வு😕
முதன் முதலாய் ரசிக்கிறது
உன் குறும்புத்தனங்களை🤩

அவளுக்கும் எனக்கும்

சிறு வித்தியாசம்