Kirukkal: March 2020

Monday, 30 March 2020

தேடிக் கிடைப்பதில்லை

என்று தெரிந்த ஒரு பொருளை

தேடிப் பார்ப்பதென்று

மெய் தேடல் தொடங்கியது

நீ

நான்

நாம்

எங்கு திரும்பினும் காதலாய் வேண்டும்

சில பல சண்டைகளும் காதலாய் வேண்டும்

விழி வழி பேசும் காதலாய் வேண்டும்

வழிநெடுக பேசும் காதலாய் வேண்டும்

மௌனத்திலும் காதல் வேண்டும்

நானாக தொட்டாலோ முள்ளாகிப் போகின்றாய்

நீயாக தொட்டாலோ பூவாக ஆகின்றாய்

என் இன்பம் என் துன்பம் எல்லாமே நீயன்பே

என் வாழ்வும் என் சாவும் உன் கண்ணில் அசைவிலே

இரக்கமில்லா இரவுகளில்

இன்பமென்பது பதில் பேசா

உன் நினைவுகளோடு உரையாடுவது